Ο πάσης της των νοούντων νοήσεως υπερκείμενος, και μη νοούμενος αλλ εκ των νοουμένων είναι πιστευόμενος, προαιώνος και υπερούσιος νους, άτε αγαθαρχικός ων και φύσει αγαθουργός, εκ του μηδαμή μηδαμώς όντος δημιουργήσας τα σύμπαντα, λόγω συμπληρούμενα, και τω ζωοποιώ αυτού Πνεύματι τελειούμενα, όροις τισι και θεσμός οροθετείσθαι ηθέλησε. Και τας μεν ανωτάτω και νοεράς ουσίας νόμοις τισίν υπερκοσμίοις αγαθοειδώς διακυβερνά, καθ ούς εν αρμονία θεία και αναλογία κινουμένων, αι μεν υπρκείμεναι των εφικτών ελλάμψεων απολούσιν, αι δε κατωτέρω ταύτας αναλόγως δι αυτών υποδέχονται.